Noia vai ter a a maior inversión da súa historia grazas ó compromiso do Presidente Touriño e da Conselleira Mª José Caride.
No 2009 licitarase a construcción da variante de poboación que circunvalará o núcleo urbano da vila.
O goberno de Galicia fixo público o pasado xoves a súa decisión sobre o trazado da variante de poboación de Noia. Será polo interior, con vocación de vertebrar o territorio e reducir o impacto ambiental preservando a nosa ría.
Atrás quedan moitos meses de traballo, de estudio das alegacións dos veciños e veciñas, reunións e visitas para ver a posibilidade de introducir melloras na proposta inicial recollida no estudio informativo.
Creo que é importante destacar o traballo realizado polas entidades e colectivos sociais de Noia así como polas persoas que dende fai anos levan defendendo a necesidade de vertebrar o territorio e poñer a Noia no mapa das comunicacións respectando o medio ambiente e os nosos recursos mariños.
Fixéronse moitas aportacións por parte do actual goberno municipal e estas recóllense nalgunhas das melloras introducidas, o que contribúe a reducir os impactos negativos e afectar ó menor número de veciños. Nos vindeiros días daranse a coñecer máis detalles e seguramente poidan visualizarse moito mellor as citadas melloras.
Non quero tampouco esquecerme da importante tarefa dos concelleiros/as do Grupo Municipal Socialista, que sempre estiveron apoiándonos para sacar adiante esta importante infraestructura.
Singularmente quero destacar o papel do compañeiro Rafa, do alcalde, Rafael García Guerrero. Xuntos, vivimos con este proxecto moitas experiencias e situacións que non se nos olvidarán de seguro, foron moitas xuntanzas de traballo coa Consellería de Política Territorial e sobre todo foi e é unha aposta pola ilusión de que Noia non se resigne, de que Noia dea o salto, de preparar Noia para ser unha nova cidade, con boas comunicacións e aberta ó mar … conseguir que Noia sexa un espazo singular cunha gran calidade de vida.
Penso que a tarefa non rematou, seguramente queda moito traballo por facer, algúns atrancos por superar, pero chegado este punto, estou seguro que non ten retorno e que camiñamos con paso firme para seguir construindo ilusións e soños. Esto é para o que sirve a política, construir ilusións e cambiar o mundo.
Non podo esquecerme doutro compañeiro, Luis Vázquez, secretario xeral da Consellería de Política Territorial, sin o cal esta historia seguramente se escribiría doutra maneira. Luis aguantounos moitos días no seu despacho, soportou as nosas peticións, as nosas propostas, …. Luis é unha gran persoa e un magnífico político.
Estou convencido que esta infraestructura xunto ó corredor Brión-Noia e a autovía Brión-Santiago, serán auténticos motores do crecemento económico para a nosa bisbarra.
Os socialistas asumimos nas pasadas eleccións autonómicas e municipais un compromiso con Noia e cos noieses, e dende a nosa presencia na Xunta de Galicia e no Goberno municipal de Noia pasamos das palabras as decisións firmes.
Moitas grazas a todas e a todos pola vosa confianza
Gonzalez pons escribiu:
o teu señor Lage e increible e vostede partidario de non facer a ponte de Noia porque segun vostede pexudica a paisaxe dana os bancos marisqueiros e non vertebra ben o territorio agora que todo o mundo sabe que o antes exposto e todo unha trapallada do psoe porqeu vostede quere e loitou pola ponte de Outes das mesmas caracteristicas que a de noia e na mesmo espacio de rede Natura2000 eu de verdade que non che entendo e xa sabemos de sobra que non tes argumentos para contestar coma no debate de TVSB onde non suposte responder so facer campaña electoral
José Manuel Lage escribiu:
Señor González ou como sexa o seu nome apelidos reais, Noia vai ter a maior inversión da historia que traerá consigo desenvolvemento económico, e farase protexendo o litoral e vertebrando o territorio. Argumentos penso que non nos faltan ós que defendíamos esta alternativa fai máis de 3 anos cando estábamos na oposición.
O viaducto de Outes nada ten que ver coa proposta agresiva que se facía para Noia, si bota un ollo ós datos técnicos e ós informes ambientais poderá comprobar que nada ten que ver unha infraestructura coa outra.
Cando participo nun debate, sexa na TV ou noutro medio, defendo as miñas posicións dende os argumentos, os valores e a miña posición ideolóxica, a uns gustaralles e a outros non.
Estou seguro que Noia cambiará de xeito espectacular despois da execución do corrredor Brión-Noia e da variante de poboación.
Traballei arreo para sacar adiante estos proxectos e penso que tanto os meus compañeiros do goberno municipal como eu mesmo traballaremos de seguido para que só sexan unha parte das moitas actuacións a realizar para situar a Noia como unha referencia da sostenibilidade e da calidade de vida.
Alfonso Vidal escribiu:
Sr Lage:
Volvome a dirixir a vostede coa intención de pedirlle, unha vez mais, unha xuntanza a fin de expoñerlle os nosos argumentos en contra da instalación da piscifactoria de Seiruga. Aviseme con anterioridad suficiente xa que teño que pedir as actas (2) do Concello (donde se manifestarón en contra a esta instalación) e as da Confraria, donde tanto o Cabildo como os percebeiros tamén se manifestarón en contra.
¿Non sei si vostede temen coñocemento desta actas?, en caso afirmativo comuniquemo.
Lein fai uns dias, na Voz de Galicia, que a piscifactoria de Seiruga seria reducida a fin de preservar o patrimonio da zona. ¿Poderia vostede darme mais información deste tema?,¿qué patrimonio?.
Espero a sua contestación.
Xan escribiu:
Estimado Sr Lage:
Estou de acordo con vostede cando di que o noso pobo cambiará espectacularmente despois da execución da variante, pero a cuestión e si para mellor ou para peor, o tempo dirá…E falando de tempo, para cando vai ser?.
Seica no 2012… non? Moi ben, nos esperan 4 anos máis de atascos..e xa van….Si o da ponte non se anulase canto tempo levaría feita daquela?.
Os bos políticos son os que solucionan os problemas dos cidadáns, de xeito rápido e responsable, contando cara euro que se invirte, non os que anulan infraestucturas xa en fase de realización por non se sabe aínda por qué…