Esta semana visitei as obras da futura oficina de emprego de Noia xunto ó secretario xeral da Consellería de Traballo e ó alcalde de Noia, Rafael García Guerrero.
En Xuño poderá estar en funcionamento este servizo público tan reclamado en Noia dende fai anos. A Xunta está comprometida con Noia e este é un exemplo máis do compromiso do presidente Touriño e do seu goberno.
Pasaron moitos anos sen resposta, sen axuda por parte dos gobernos do PP na Xunta.
Noia recuperará posicións e centralidade poñendo a disposición dos veciños do concello e da comarca unha Oficina moi necesaria e que aforrará desprazamentos e gastos.
Fran escribiu:
Outro chiringuito xunteiro máis quere dicir máis derroche, máis gasto superfluo, un goberno máis rechoncho a cambio dunha cidadanía máis exigüa.
Polo mundo adiante, os modelos de “busca de emprego” entraron xa hai tempo na vía telemática. Onde gastos como “oficina”, “persoal”, “material”… para xestionar unha información que se pode dispensar de forma máis rápida e eficaz dende a rede xa non ten sentido ningún… agás o de aumentar a ineficiencia a cambio de comprar “imaxe” do goberno.
Ademais, a Consellaría de Traballo tampouco se ten amosado moi eficaz nunha lexislatura que, agás polo inicial Acordo Social (impulsado polo Presidente Touriño), máis nada tivo que ofrecer. Sendo o seu conselleiro máis unha desgraza ca unha beizón. Probiños galegos, imos adiados! Se non fose por Touriño, que sería de nós…
José Manuel Lage escribiu:
Señor Fran, coido que trabucas o escenario das túas tribulacións.
A necesidade dunha oficina de emprego en Noia é evidente e terá consecuencias positivas para unha poboación onde a vía telemática ten dificultades serias de penetración en máis da metade da poboación.
Respecto das túas valoracións da consellería de traballo e do seu titular, creo que están fóra de lugar, e ademais penso que o goberno galego, co conselleiro de Traballo e co Presidnete á cabeza están a facer un bo traballo para mellorar a situación laboral no noso país.