Recoméndovos que vaiades ver “Pradolongo”, unha película galega para amosar ó mundo.
Tiven a sorte de asistir á súa estrea en Valdeorras, no concello de A Rúa, e desde o primeiro momento engancheime á historia que conta, ás sensacións, ó ceo que debuxa … foi facer sendeirismo paseniño … foi abrir unha fiestra e que o ar enchera de flores os verdes prados en primavera ….
A semana pasada o Director de Pradolongo, Ignacio Vilar e máis os tres protagonistas da longametraxe (Rubén Ríos, Tamara Canosa e Roberto Porto) fixeron a presentación-promoción da película no Pazo do Hórreo, sede do Parlamento de Galicia. Levan xa máis dun mes promocionando a película polos institutos, asociación da terceira idade, colectivos veciñais, centros socio-culturais, etc
A verdade é que me fixo ilusión que viñesen ó Parlamento e tamén ver como Tamara decía en voz alta e clara que en Santiago de Compostela, na capital de Galicia non era posible ver Pradolongo nos cines comerciais. Reivindicou un espazo propio para os productos cinematográficos galegos, reivindicou o seu espazo pero estaba reivindicando o de todos e todas, nin máis nin menos.
Si unha película como Pradolongo, cun importante éxito de taquilla na Coruña, Vigo, Ourense ou Narón-Ferrol, non ten oco nos cines de Compostela, que será doutros productos que non teñan tanta sorte ou non alcancen o mesmo nivel de éxito?
Aínda podedes ver a película en varias cidades de Galicia, non vos deixará indiferentes.
Noraboa a todas e todos os que fixechedes posible Pradolongo!!!
Diego Pena Luaces escribiu:
Eu creo que é unha moi boa película. O malo é que terei que esperar ata o 9 de maio para poder vela en Lugo, pero xa queda menos. E eu dende logo non teño dúbidas e ireina ver ao cine e animarei para que todos e todas vaian vela, pola calidade da mesma e polos bos actores e actrices que participan nela, entre eles a nosa compañeira Tamara. Un saúdo socialista e republicano para todos e todas.
Un de Barizo escribiu:
Paisaxes ben bonitos , é certo, quedan poucos. As augas clariñas, a igrexa ben conservadiña, beleza e armonia pura nesta pelicula.
Pero mire vostede, amigo e ex-compañeiro de partido, para á próxima pelicula que fagan poñolle eu os protagonistas e os escenarios.
A moza, Carmen Gallego. O mozo pobre, un calquera de nós posiblemente Pablo da Costa que é bo mozo. O mozo rico, un empresario.
O enfoque vai ser dende a ría de Seiruga (nós chamamoslle asi toda a vida, ainda que é pequena)mirando cara o monte de Beo ou San Adrián (Hadrian), e no medio, como plano central, vai a ir a PISCIFACTORIA que vostedes nós queren encastrar cos seus telladiños en color verde “natural”.
A escena do BMW X-5 vai correr a cargo do empresario de turno (Stolt Sea Farm, Pescanova, Isidro de la Cal, Acuinor, etc…), escollao vostede que xa os coñece e sabe quen pode ser mais fotoxenico.
A escena do cabalo xa e mais dificil, xa que non temos cabalos polo que lle rogamos que traia vostede algun burro ou burra dalo de Santiago (hai moito suelto por San Caetano).
A escena da igrexa cambiamola, imos facer a escena do Castro de Punta Galeana ou Entretorres. Só hai un problema, hai que limpalo un pouquiño de toxos, silvas e sacarlle un pouquiño de terra acumulada encima del dende fai miles de anos.
¡Que bonito vai quedar o paseiño dos protagonistas na volta do Castro e a distancia marcada pola lei da piscifactoria!,¡que bonita vai quedar a escena dos tres dandose un baño na praia de Beo entre a merda dos rodaballos, e a lexivia de limpalos tanques!. Solo de pensalo xa me caen as bagoas.
A parte de promoción do novo filme vamoslla a encargar a José Ramón Varela Rey, o alcalde. Sabe moito deso, mire si é listo que ainda onte ganou un pleno de 6 (goberno) contra 7 (oposición).¿Preguntase como?, todo o mundo señor meu, mais parece ser que grazas a unha carta misteriosa (As na manga?).
Pra rematar, repitolle, digalle a Lopez Sieiro que nas nosas alegacions vai un nombre é un nº de teléfono, que chame que con 7000 euros de teléfono diarios que lles estamos pagando ben poderian, ¿non llo parece?