O informe do Consello de Contas sobre a cidade da cultura é público e nel dase conta dunha serie de irregularidades que viron a luz pública a través dos medios de comunicación neste verán.
E digo eu, si hai tantas organizacións pedindo que actúe a xustiza, por qué non actúa o fiscal de oficio?
O parlamento se así o decide unha maioría parlamentaria creará unha comisión de investigación e coñeceremos máis datos sobre o megaproxecto concebido durante os gobernos de Fraga.
Tan importante coma iso é o futuro do proxecto e como se redifinirá, así como os seus costes futuros, sobre este particular podedes ler hoxe na prensa galega dous artigos de opinión con enfoques ben diferenciados : o de Lois Blanco, subdirector de La Voz e o de Carlos L. Rodríguez, redactor-xefe de El Correo.
Jorganes escribiu:
Eu concordo máis co artigo de Lois Blanco que o de Carlos L. Rodríguez.
O da Cidade da Cultura é un despropósito tan grande que non hai por onde collelo. Non se pode deixar nas mans dunha fundación pública (en moi boa parte gobernada por intereses privados) un proxecto tan custoso e no que a nosa Administración puxo tantos cartos.
Paréceme que todos os que están a apoiar o proxecto en os seus representantes na Fundación.
Mais, existen xa os programas de actuación, investimentos e financiamento (PAIF) que recollan a planificación xeral da entidade dentro dun marco plurianual e a avaliación económica dos investimentos programados tal e como se demanda no informe do Consello de contas? ¿Fíxose xa un verdadeiro estudo de viabilidade económica do proxecto?
Como está a suceder noutros tantos ámbitos da Administración de Galiza, detrás das Fundacións están a agacharse escuros intereses e falta de transparencia na xestión do que debería ser público.
Concordo contigo en que a Xustiza debería actuar xa, pero tamén é necesario ter claro onde imos e canto imos a gastar.
Agardo que a Comisión de investigación non sexa só un xeito de diluír as responsabilidades políticas. Xa sabes o que din, se queres que algo non funcione, crea unha comisión de investigación.
lage escribiu:
Ola Jorganes, concordo no tema das Fundacións, de feito é un dos temas pendentes do goberno galego.
É certo tamén que Lois Blanco é máis duro neste asunto que Carlos L. Rodríguez, non hai dúbida, por iso puxen os dous enfoques como referencia do que lin na prensa escrita de onte;
Eu pensaba na oposición o que sigo a pensar cando gobernamos: os chiringuitos (fundacións,administraccion paralela) que creou o PP durante 16, na súa meirande parte, siguen a ser chiringuitos.
Daquela por qué siguen existindo as fundacións comarcais nas que non creiamos (PSdeG e BNG), por poñer un exemplo e poderíanse poñer máis … e ademais o máis fastidiado do asunto non é iso senón os chiringuitos que algunhas consellerías están a crear.
Eu agardo que a comisión de investigación aporte novos datos e permita exclarecer algunhas cousas, iso non é incompatible con que actúe a fiscalía e os xuices… pero isto xa me parece menos doado …
Parece que o volume de recursos públicos que se move neste megaproxecto é tan descomunal que merece unha seria investigación de que foi o que pasou.
Saúde
Jorganes escribiu:
Para que o fiscal non teña que leerse todo o informe do Consello de contas podemos ir depurando responsabilidades como segue:
O secretario xeral da Consellería de Cultura D. Andrés González Murga e o director xeral de Patrimonio da Consellería de Economía e Facenda D. Ángel Sicart Jiménez asinan co representante de EISENMAN ARCHITECTS P.C. un contrato de prediseño. Segundo o propio informe “Ambos carecen de competencias para asinar un acordo deste tipo, que compromete créditos futuros da Consellería e modifica as determinacións contidas nas bases do concurso.”
Jorganes escribiu:
Como se di no propio informe:
“Non consta no expediente a motivación da elección do modelo fundacional como instrumento de xestión, toda vez que non parece que se xustifique polas pretendidas achegas económicas dos patróns, dado que agás as achegas da Xunta de Galicia e a cesión de parte dos terreos efectuada por Caixa Galicia, ningún dos outros membros do Padroado efectuou achega económica algunha.”
lage escribiu:
Pois sí, tal como ti apuntas nos teus comentarios recentes, si o fiscal quixera actuar de oficio ten material dabondo cando menos para a apertura do caso e comezar a tomar declaracións.
Aquí en Galicia é difícil, se fose en Cataluña ninguén obviaría isto. Acórdaste cando o fiscal Mena abriu dilixencias polo tema do 3% de comisións ós que aludiu Maragall no parlamento nunha sesión de control.
O único que existiu foi unha pelexa parlamentaria, dialéctica, que saltou ós medios, e froito diso a Fiscalía actuou para coñecer ….
En fin … en Galicia un só exemplo evidente de que non pasan estas cousas está no tema das listas do PP de Euskadi e a inclusión de persoas de O Grove sin o seu consentimento.
O Fiscal dixo que non actuaría de oficio, só se habia denuncia, está todo dito.
Saúde
Lage » A Fiscalía do TSXG admite unha denuncia sobre a Cidade da Cultura escribiu:
[…] Por qué non actúa o fiscal de oficio? […]