Eso foi precisamente o que anunciou onte o presidente Touriño no fermoso castelo de Vimianzo.
O goberno galego invertirá máis de 217 millóns de euros para dotar á costa da morte dun corredor que vertebre esta zona posibilitando así que a chegada a esta fermosa comarca non sexa unha odisea.
Os socialistas comprometémonos cos cidadáns co reequilibrio territorial, para eso as infraestructuras son un instrumento importante que permiten o desenvolvemento social e económico daqueles pobos que están aillados ou mal comunicados, e polo tanto alonxados das principais arterias de comunicación do país.
Alberto Iglesias escribiu:
Paréceme estupendo o dito polo presidente da Xunta. Con moito gusto vexo un cambio na forma de facer política en Galicia.
Saúdos dende México.
F. Miguez escribiu:
Pois a min non me parece unha boa noticia. Eu paso con unha certa frecuencia polos concellos que hai entre a Coruña e Laxe (tanto pola costa como polo interior), e non me parece tal odisea. Ós de fora, si se nos perde algo alí, xa nos espabilamos ben para ir; ós de alí, que lle dean medios de vida alí, sin depender cada día máis do coche e a estrada. Por sentido común, por aforro enerxético, por seguridade… e porque obras como as da “estrada nova de Corme” son un crime paisaxístico, e supoñen a destrucción de aquilo que fai diferentes a moitos lugares da nosa terra.