Primeiro quero decirvos que considero un erro que este día siga a ser non laborable e non lectivo no noso calendario. Debería ser un día lectivo, onde se fomentase a lectura, onde os centros educativos, e culturais foran aulas vivas de promoción e divulgación do noso idioma e das obras literarias dos nosos autores.
Non podemos seguir consentido que o galego se trate como unha reliquia, algo a ter gardado no caixón e que o sacamos de paseo unha vez ó ano como se fose o patrón ou patrona da parroquia que se saca en procesión en tal ou cual data. Non.
Recentemente o Consello da Cultura proporcionaba uns datos que reflexaban que o uso real da nosa lingua estaba por debaixo do 50% entre os galegos de 5 a 34 anos. Preocupante, sí. Temos tarefa que facer, sen dúbida.
Agora ben, o Plan de Normalización non vai ser a panacea, eu que participei na súa elaboración, consideroo un instrumento, pero tamén entendo que o ámbeto familiar e social é fundamental para complementar o traballo da administracción en ámbetos como os educativos, os institucionais ou os xudiciais.
Onte mesmo, o Presidente Touriño dixo alto e claro que o seu goberno vai impulsar ó máximo o citado plan, sendo conscientes de que aínda estamos lonxe de acadar a plena normalización.
Precísase paciencia e a implementación do Plan Xeral de Normalización Lingüística, tarefa na que está traballando o goberno galego a pesares dos “esforzos” dalgúns persoeiros por dicir xusto o contrario, tentando descalificar a actuación da Xunta.
O resultado terá que verse no medio prazo.
Inés escribiu:
Sinto ter que dicir que non sei que Plan de Normalización queredes os políticos cando facedes apoloxía do xa cómico e sempre perigoso “bilingüismo harmónico”.
Inés escribiu:
Ah! E SI:O DÍA DAS LETRAS TEN QUE SER LABORÁBEL, polas razóns que antes apuntastes.
lage escribiu:
Aprobamos un plan xeral de normalización lingüística na pasada lexislatura, entre tódolos grupos. Se existe este plan é porque se precisa, porque hai déficits, porque precisamos un proceso de normalización lingüística, que non se fai en dous días, que terá que desenvolverse con planificación. Eso é o que está acordado e o que dende o goberno hai que implementar.
Creo no dereito e no deber de coñecer a nosa lingua por parte dos cidadáns galegos. Creo tamén que a escola é un axente socializador clave para acadar a normalización, iso e máis, pero dito todo iso ..Tamen digo que non creo nas imposicións, creo na liberdade individual, sen dubida.