Co que está sucedendo en Nigrán, temos un botón de mostra do que pode estar pasando noutros concellos nos que se acostuma a actuar con ocultación, opacidade, e onde o uso de información privilexiada sigue a ser o modus operandi.
Máis dun milleiro de veciños sairon á rúa rebelándose contra a proposta de PXOM. Uns poucos tiveron comportamentos violentos e estes son reprobables, sen dúbida. Pero non apartemos a vista da cuestión central: se os veciños non se ergueran contra o alcalde do Partido Popular, Alfredo Rodríguez teríase parada a tramitación do citado Plan Xeral?
Coñeceríamos os movimentos especulativos que permiten a determinados empresarios enriquecerse tan só coa compra de terreos que un tempo despois obteñen un cambio na clasificación e edificabilidade na citada proposta de PXOM?
Ollo, os plans xerais deben ser participativos, deben ser un elemento aglutinador dos colectivos cidadáns e das organizacións sociais, deben servir para planificar o desenvolvemento dun concello a medio prazo, e se pola contra se fan de costas ós cidadáns e con nula transparencia, as consecuencias están no exemplo de Nigrán.
Nigrán acaba de sentar un precedente. Os cidadáns non son parvos.
Rosa Gomez Limia escribiu:
Compañeiro:Eu xa estou seguindo tódolo que ti fas, tanto na política como no teu blog. ¡Noraboa! Respecto do urbanismo en Nigrán, penso que se os galegos non fósemos tan “mansos” ese alcalde xa estaría na Capadocia ou máis lonxe corridos a gorrazos polos veciños. ( tanto os afectados que se sinten afectados polas tropelías urbanístiocas coma os que non) É unha vergoña ter unha personaxe desa catadura representando a todo un noble e honrado pobo. Claro que eu podería falar tamén do que pasa en TEO, pero eso vouno deixar para outro momento. Mentras tanto, benvidos á política aqueles que se moven por sentementos e ideais, e fora todos aquelas que a utilizan para medrar económicamente e para avasallar aos débiles e desfavorecidos.
Maria Dolores escribiu:
O de Nigran unha desfeita. Politicos dese xeito sobran en Galiza. Gustariame dicir que no PSOE tanpouco podemos encher o peito. Fala algo de Porto do Son , que vergoña. Menudo lio e mala xestion. Seguimos dando a razon a xente que cree que os politicos son uns aproveitados do cargo para facerse ricos.