Despois de ver os asuntos que hoxe se trataron na sesión do parlamento de Galicia a iniciativa do Grupo parlamentario Popular, cheguei a dúas conclusións: a primeira que a Xunta de Galicia está acertando de cheo na súa acción de goberno, cousa da que xa estaba convencido; a segunda que non existe oposición no noso país, e explicarei o porqué.
O Grupo Popular ten a posibilidade de introducir en cada pleno unha serie de iniciativas, en forma de proposicións non de lei, interpelacións ou preguntas.
Neste pleno trouxo iniciativas relacionadas coa organización dunha festa para a terceira idade, o futuro do ballet rey de viana, a situación de funcionarios que ocupaban postos de libre designación co anterior goberno e agora están pendentes de destino, e finalmente interesaronse por unhas xornadas de exaltación do ourizo na comarca de A Mariña.
Son estes os temas de interese xeral que preocupan á maioría dos galegos? Son estes os asuntos prioritarios para a maioría dos votantes que tivo o Partido Popular nas pasadas eleccións autonómicas? Son estas iniciativas producto do sentir xeral da poboación?
Son preguntas que se me pasaron pola cabeza e que tratei de plasmar na miña intervención na tribuna do parlamento cando me tocou intervir a conto da interpelación popular sobre as xornadas de exaltación do ourizo. É bo que o goberno acerte, e máis pola parte que me toca, como socialista e como galego, pero tamén sería bo que houbera oposición … á vista da sesión de hoxe diría que non hai oposición … nin se lles espera. Quédalles un longo treito.
Candela escribiu:
E que dixeches dos ourizos?
JR2C escribiu:
Non existe oposición porque cando estaban (des) gobernando o facían como fillos mal criados que dipapidan a riqueza herdada, neste caso, ainda por riba despois de trampea-lo testamento…
Pero ollo, pensar que todo se está facendo ben no goberno, pode facernos perde-la perspectiva. Un dato: a politica en materia xuvenil deste país. Por incapacidade ou ausencia total de modelo estase deixando en mans de adláteres e mercenarios que o mesmo serviron ós e ás mais reaccionarios/as anteriormente que agora a un “pobre bo mozo” representación patética dun modelo de mocidade e participación que pouco ten que ver coa realidade social xuvenil deste País (posiblemente si noutras latitudes, pero non aqui)
Esteban escribiu:
Non estou de acordo no que dis. Penso que son coherentes coa “súa” preocupación (aínda que non o sexan coas preocupacións do pobo galego).
¿Sobre o futuro da terceira idade? ¡Coño, pero como non se van preocupar da súa “base electoral”! Como dixo un Alcalde do PP por aí: “Non perdín as eleccións; morreronme os votantes”. Así que a esperanza de vida é a maior esperanza do PP.
O dos ourizos… Non sei, supoño que eles están máis afeitos ao porco de Lalín; e sospeito que ao PP o mar non lle trae moi bos recordos como para exaltar calquera produto.
O do Rey de Viana… aí si que me perdo. Botarán en falla ser eles/as quen bailen. ¡Vai ti saber!
De tódolos xeitos, vista a oposición que fai o PP en Madrid, a miña admiración por estes que están aquí.
Unha aperta.