Hoxe chegouse a un acordo entre o Presidente da Xunta, a Conselleira de Pesca e o Conselleiro-Delegado de Stolt Sea Farm, para cambiar o emplazamento da planta acuícula inicialmente prevista en Punta dos Corvos(Corrubedo) e evitar así unha agresión a esta zona de gran importancia ambiental.
Este acordo coincide no tempo coas xestións que estivemos realizando coa Consellería de Medio Ambiente para acadar a inclusión da área de Cabo Corrubedo na Rede Galega de Espazos Protexidos, tarefa na que está metido de cheo o compañeiro Manuel “Pachi” Vázquez.
Penso que non ter incluído esta área dentro da declaración do LIC do Complexo Húmido de Corrubedo dentro da Rede Natura foi un grave erro do anterior goberno do PP. Iso sendo ben pensado, xa que hai quen apunta a que detrás disto existían interese diferente ó medioambiental.
O relevante do día de hoxe é que acadamos protexer este espazo virxe do noso litoral facendoo compatible ó mesmo tempo coa potenciación da actividade económica dependente do sector acuícola a través dun novo emplazamento na mesma comarca.
A nova ubicación será Costa Galloufa (Porto do Son) e nela instalará dita empresa unha planta multifuncional, onde se cultivarán rodaballo e máis lenguado. No caso desta especie, será a primeira vez que se faga en Galicia. Faran unha inversión de 50 millóns de euros e traerá consigo a creación de máis de 80 postos de traballo.
É unha boa noticia para Corrubedo, tamén o é para Porto do Son, sae ganando o Barbanza e sae ganando Galicia. Touriño amosou hoxe que é posible harmonizar o desenvolvemento da actividade acuícola co respecto ó medio ambiente, na liña que defendemos os socialistas galegos.
Fernando escribiu:
Querido Xosé Manuel,
Chouto de ledicia ó atoparme co teu blog persoal.
Desde que escribistes estas liñas ata o día de hoxe, aconteceron moitas cousas, algunhas das cales tiveron como protagonistas ás xentes de Baroña e ó Señor Lage Tuñas. ¿Ves por onde vou?
Sí, son un veciño de Baroña ó que unha mala xogada do destiño - políticos, empresarios, e cartos, moitos cartos enriba da mesa - puxeron na tesitura de loitar pola súa terra.
Non pretendo rebatir ningunha das moitas insensateces que nestes últimos meses se veñen falando sobre a acuicultura. Non. Sólo desexo que nos sentemos todos, poñamos os datos perante nós, debatamos e academos un acordo razonable para Galicia e os galegos. Sen chantaxes ás institucións. Sen ameazas ós cidadáns. Sen imposicións autoritarias. Sen declaracións de supramunicipalidade. Simplemente debate libre. Diciase que isto era patrimonio da esquerda. Ou non?
Como fixemos a traverso das follas da prensa, reitero a miña invitación a visitar Baroña, os lugares que para nós son sagrados e que para outros sólo significan beneficios.
Xa coñeces o meu enderezo de correo.
Asinado: Fernando, veciño de Baroña.
lage escribiu:
Ola Fernando, con moito gusto compartirei contigo un café para falar da acuicultura, de Baroña e do que sexa preciso.
Para resumilo, direiche ó respecto do asunto que nos ocupa que sempre e cando a planta de Stolt sexa beneficiosa para a economía da zona e non sexa ilegal, é dificil decir non.
Persoalmente, podo decirche que aínda visitei fai 15 días a zonas do Castro, e para min o conxunto de Porto do Son é unha paraxe natural díficil de igualar.
Non me tes que convencer da riqueza natural que hai no teu concello, estou convencido, e non quero que che soe mal esto que estou escribindo.
Penso que lexitimamente uns propietarios e outros que non o son, manifestadesvos en contra deste proxecto, e a min paréceme respectable e ademais considero que se vos debe de escoitar, o que non quita que eu pense como dixen o primeiro día, que Stolt é unha empresa solvente, con moita experiencia na acuicultura, e que presenta un proxecto, a priori, beneficioso para a zona.
O dito, que intentaremos poñernos en contacto.
unha aperta, e todo o meu respecto
Fernando escribiu:
Xosé Manuel,
como parece que este noso encontro retrásase, tómome a liberdade de adxuntar estas liñas. Seique pasaches por Baroña no balbordo da campaña electoral: mágoa que sólo vos lembredes de nós cando se achegan eleccións, e non se dispoña duns intres para falar ca viciñanza.
Do teu último comentario chámame a atención unha pauta común que se repite entre os políticos de calqueira signo que defenden os proxectos acuícolas: a súa calculada ambigüedade. Se Stolt é unha ‘empresa solvente’, ¿por qué dubidas da legalidade da instalación? Se tan beneficioso económicamente é para a zona, ¿por qué engades ‘a priori’? Non entendo. Ou sí o entendo: sobran estudios dentro do ámbito académico en Galicia que refutan contundentemente a capacidade destas instalacións para dinamizar económicamente as zonas costeiras.
Como xa analizamos o proxecto polo miúdo, e temos datos claros e precisos na man, podemos afirmar o seguinte:
- Stolt promete 70 empregos (lembremos o que promoteu en Camariñas e o que ofreceu), pero constatamos na memoria do proxecto que sólo reserva espazo para un máximo de 24 prazas de automóbil.De novo, Stolt Sea Farm falta á verdade.
- A propia empresa recoñece posible contaminación química e risco de eutrofización. De feito sitúa os colectores e emisor distanciados un kilómetro para evitar recirculación de auga.
- Stolt vai a recibir un mínimo de 16 millóns de euros en axudas públicas. ¿E esto a política progresista que preconiza o teu partido? Noutras verbas, transferir os custos de establecemento á administración pública, e privatizar os beneficios. ¿A canto ‘mercamos’ cada posto de traballo? ¿A qué ven este despilfarro de cartos públicos?
- O impacto sobre os ecosistemas mariños costeiros poden ser gravísimos. O sólo precepto de precaución medioambiental debería facer desistir deste tipo de instalacións. ¿Cómo afectará á pesca artesanal?
- O consumo intenstivo de territorio que plantexan estas industrías (custo)contra os beneficios que achegan á población local en termos de empregos(escasísimos, véxase o caso de Cabo Vilán) desaconsellan absolutamente a instalación de Baroña.
- Por non falar da conculcación da vixente Lei de Costas, posto que estas industrias poden establecerse perfectamente en ubicacións alternativas que non estraguen o litoral.(¿Para qué unha Lei do Litoral, por certo?)
- A cercanía do Castro de Baroña como monumento emblemático da comarca (entre 200 e 300 metros), debería ser, de por sí solo, arguemento de abondo para esbotar a posibilidade deste proxecto.
Estes e moitos outros argumentos podería expor aquí, pero non quero extenderme demasiado. Sólo direi que se está a cometer un tremendo erro que en nada beneficiará ó sector da acuicultura. Non hai actividade económica que resista a firme oposición da poboación local. E nós estamos dispostos a resistir.
A loita continúa.
Fernando.
(P.D.: Segue aberta a invitación para visitar Baroña.)
limewire 2008 downloads white paper escribiu:
limewire 2008 downloads white paper…
detonator’s phosphors…