Agora sí! Tivemos que chegar os socialistas á Xunta de Galicia para que os veciños de O Freixo (Outes) poidan ver materializada unha vella aspiración: unha nova lonxa que mellore as condicións de traballo e venda dos recursos mariños da nosa ría.
En menos de dez meses e co obxecto de buscar unha proposta de consenso, reuninme en alomenos quince ocasións coa Confraría de Pescadores, coa Asociación de Mexilloeiros, coa Asociación de Veciños “O Peirao” de O Freixo (Outes) ademais de xestionar coa Dirección Xeral de Estructuras e Mercados da Consellería de Pesca a habilitación dunha partida nos orzamentos deste ano 2006 para facer posible a construcción da lonxa.
O pasado luns tiven a oportunidade de reunirme cos representantes da Confraría de Pescadores de Noia e da Asociación de Mexilloeiros da Ría de Muros-Noia, así como cun equipo técnico da Consellería de Pesca. Visitamos as instalacións portuarias e puiden comunicarlle ós mariscadores e mariscadoras o compromiso acadado pola Xunta de Galicia: O Freixo terá unha nova lonxa. Os representantes dos mariscadores recibiron con satisfacción este compromiso.
A vella lonxa do Freixo é a segunda en facturación de Galicia no que se refire a moluscos bivalvos. A ría de Muros-Noia é a primeira das nosas rías no que se refire á actividade marisqueira.
Se en dez meses fomos capaces de impulsar esta actuación, pregúntome porqué en dezaseis anos o Partido Popular non moveu unha palla para dotar dunhas instalacións dignas a máis de mil cincocentos mariscadores da nosa ría. ¿?
