Acabo de ver a web do PP de Galicia e leveime unha sorpresa cando comecei a botarlle un ollo. Onde está Baltar Blanco, político popular pioneiro na rede?
Chama poderosamente a atención que no apartado de blogueiros, os dous únicos destacados sexan Diego Calvo e Alejandro Gómez Alonso (dous noveles nestas lides) e non sexa precisamente José Manuel Baltar, que é o blogueiro máis coñecido e destacado entre os cargos públicos do PPdeG. Tamén hai división entre boinas e birretes na rede? Ou é unha división entre vencedores e vencidos?
Unha segunda cuestión que chama a atención é a aparición de Nidia Arévalo como Alcaldesa de Mos cando se da conta dos membros do Comité Executivo do PPdeGalicia, … paseniño deberían ir, xa que polo de agora é voceira do grupo municipal popular neste concello…e penso que por moito tempo …
Saudo positivamente que se incorpore o PPdeGalicia á rede, que medre a participación política en internet e que as novas tecnoloxías non sexan unha cousa de frikis.
Marcus escribiu:
Lage, coido que non viches o máis brutal da páxina: só funciona ben en Internet Explorer. Se a ves dende navegadores coma o Firefox é case imposible de consultar (queda totalmente descomposta).
Ah, e sobre os blogueiros populares, na sección correspondente da web citan tamén a Baltar, Crespo e compañía. Resulta que os destacados son os que teñen o blog integrado na web do Partido e non os que teñen blog de seu (cousa ben trapalleira).
O peor de todo é visitar a sección de Accesiblididade, redactada en español, e na que só se len mentiras (posto que se a web non respecta os estándares básicos non pode ser accesible, ou sexa, se eu non a podo ler no Firefox… ¡¿Cómo carallo vai facer un cego para navegar pola páxina?!).
Blas escribiu:
Non se che escapa unha. Ata lles vixías á páxina do PP.
lage escribiu:
Blas, xa sabes que hai que estar ó tanto do que pasa na blogosfera … chamoume un amigo para que lle botara un ollo á nova web do PPdeG e atopeime estas cousiñas
lage escribiu:
Marcus, a verdade é que non cheguei a ela a través do Mozilla Firefoz, como sempre me recomenda o benquerido Xaime.
Tampouco quero queimarme coa páxina do adversario político, pero home chama a atención que a José Manuel Baltar non o destaquen no apartado de blogueiros. Xa vira que cando un pincha na sección sí aparecen, o que é unha pasada é que non figure nos destacados.
Tes razón, no que se refire a accesibilidade é para darlles un puntapé.