Estos días montouse unha boa, a raíz dunha proposta aprobada na Asamblea Nacional do BNG: a adaptación da hora en Galicia ó fuso horario GMT.
Coma sempre, os mass media madrileños, que destilan rancio españolismo, danlle bombo a unha proposta que pode ferir a sensibilidade daqueles que están pensando todo o día en que pode romper España. Miña madriña, que sacrilexio … ehh? E Canarias, que? Non é España?
E como será que os USA non romperon aínda, se en Boston (Masachussets) non teñen a mesma hora que en Hollywood (California) … ? Como poden vivir?
A min o que me parece triste é que a única proposta política que transcendeu do cónclave do BNG fora o do cambio da hora en Galicia. Pobre resultado ou unha mala política de comunicación? Tamén haberá quen lle bote a culpa ós medios de comunicación …sexan galegos ou da China, sempre hai que buscar o enemigo fóra…
Particularmente, decir que dende fai anos estou a favor de adaptar a hora ó fuso horario, como xa é utilizado no Reino Unido, Portugal ou Canarias. Paréceme o máis axeitado á nosa realidade. Non penso que precise a cousa moita explicación, trátase de recuperar a hora natural de Galicia. Para ser exactos teríamos que ter dúas horas menos para axustarnos ó reloxio solar.
Fai sesenta anos un goberno español decidiu adherirse por decreto á chamada hora central europea, a de Berlín, a pesares de que o meridiano Greenwich discorre polo medio da península ibérica.
Así temos a mesma hora en Noia (A Coruña) que en Praga, aínda que a capital da República Checa queda alá onde Cristo perdeu o Libro de Familia.
Que en Galicia nos rexiramos pola hora solar que nos corresponde sería algo de proveito e que redundaría nun maior aforro enerxético, ademais de ser de pura lóxica.
A non ser que o problema sexa que os boletíns informativos das emisoras de radio, teñan que engadir a coletilla “una hora menos en Galicia y en Canarias”. Seguramente o apropiado seria que se cambiara a hora no conxunto de España, xa que a maior parte da península está ó oeste do meridiano Greenwich.
Supoño que ninguén pensará que por ter unha hora menos en España que noutros países da UE imos a sufrir desgrazas económicas ou fenómenos paranormales, non?
Ou tal vez alguén pode alegar que seremos menos europeos?
xavenaí escribiu:
“Pobre resultado ou unha mala política de comunicación?”
xa, o resultado é iste http://www.gznacion.com/web/notic.php?ide=51
e o outro só é non ter ningún medio de comunicación afín (prensa escrita, radio, tv)
lage escribiu:
pois a verdade que non sei o que queres transmitir pero aínda podendo facer cábalas … direiche amigo xavenaí, que respecto da asamblea nacional do BNG entendo que se falaría de moitos temas que afectan á vida cotiá e ó desenvolvemento económico e social de Galicia e nembergantes eu non os vin reflexados en ningún medio, nín tampouco na web do propio BNG… co cal que queres que che diga?
Iván escribiu:
Lage, coincido contigo que a proposta do BNG, en vez de ser analizada en términos científicos ou económicos pola prensa de fóra de Galicia, foi tomada a cachondeo e empregada unha vez máis para alimentar a teoría de “nos quieren romper España”. Iso é lamentable e intolerable.
Non coincido contigo, en cambio, no positivo da medida. Non se trata xa de ter que serguir a España ou non, algo que ós do BNG lles da alerxia (con tal de diferenciarnos, propoñamos o que sexa, e se o copiamos de Portugal, mellor que mellor); como moi ben dis, España tampouco está na súa hora solar, que sería a GMT, a de Greenwech, senón que ten hora central europea, unha máis. Portugal e Canaraias, mesmo parte de Irlanda, están en GMT, pero realmente terían que estar unha por detrás. Só o Reino Unido ten a súa hora axustada á solar.
Por non falar de que Galicia ten dous husos horarios, de Pedrafita a Lugo, está na zona horaria de Greenwech e de Lugo ó Atlántico na do meridiano menos 1; para axustarnos exactamente á nosa hora solar, Galicia debería ter dúas zonas horarias, no leste unha menos que a que ten agora España e no Oeste, dúas menos.
En definitiva, do que se trata é de se queremos ou non unha hora única europea. Eu creo que, tendo en conta que a diferencia solar entre os extremos do continente é só de dúas horas (dúas e algo nas zonas máis ó leste ou ó oeste: ex-repúblicas soviéticas e costa de Galicia) son máis os beneficios que as desventaxas de ter unha mesma hora.
Ademais vivir na nosa hora solar é realmente positivo ¿Por que? O aforro enerxético parece que podería incrementarse dun 3 e pico a case un 5, nada espectacular; en cambio, pensemos que, por exemplo, nesta época do ano amencería sobre as 6 da mañá, cando aquí aínda durme case todo o mundo e faríase de noite ás 4 da tarde, cando moita xente aínda traballa e sobre todo cando para a maioría dos galegos aínda está empezando ou aínda non chegou a parte do día que destinamos ó lecer.
Os nosos hábitos de vida (horario de traballo, horario de ocio, horas de sono) non se axustan á hora solar e, polo tanto, por riba desta corrente naturalista e solar que espertou no BNG, a nosa hora oficial tampouco debe facelo; por non falar das vantaxes, no que a coordinación se refire, de que tódolos países da U.E. vivamos na mesma hora.
SHS escribiu:
Sempre me estrañou un tanto que fose argumento máis contundente o de axeitarnos ó de fóra (idioma, hora, infraestructuras ferroviarias) que axeitarnos entre nós.
Canidiense escribiu:
Será porque non somos unha autarquía coma algúns ilumindados pretenden.
Hai enfermidades que se curan viaxando.
xavenaí escribiu:
ben, coma non podía ser doutra forma respeto as súas crenzas do que se falou ou se deixou de falar na asamblea, eu que non milito en nengún partido ou bloque tampouco estiven.
Teño claro que en dita asamblea non ían nen se se vai a descubrila pólvora ou o método para “sacar petroleo” de Galiza, de feito a “ocurrencia” do tema do fuso horario xa frecuentaba os medios cando atrasamos ou adiantamos os reloxos. Pero polos medios e pola web do BNG tamén sei que os seus “compañeiros de viaxe” no bipartito seica tiveron algunha crítica, até algunha alternativa e unha consecuente executiva nacional máis plural da que tiñan. Que algo terá que ver coa forma de ver ou mudar a “vida cotiá e ó desenvolvemento económico e social de Galicia”.
Eu tamén teño outra crenza, que grazas a gobernar co BNG, o PSdG ten outra política de xestión, idea de Galiza e até nalgún político o efeto de dárselle por aprender ese idioma que ao parecer aínda falamos a maioría.
Disculpe o meu ton, porque seguramente entre os obxetivos da súa blogue non figure a discusión cun comentarista anónimo que ve necesario(a título persoal) ser nacionalista(emancipador) galego.
Con respeto ao fuso, deixo esta entrevista http://www.galicia-hoxe.com/index_2.php?idMenu=77&idNoticia=112120
Manuel escribiu:
Pois a min a verdade pareceme que hai asuntos mais importantes co de cambiar a hora, ademais xa estamos afeitos a esta hora.
Pedro Porsucasa escribiu:
NAcionalistas!!Eso é o q sodes!!
andaime :: Unha hora menos :: December :: 2006 escribiu:
[...] Por sorte por aquí hai vida intelixente. [...]
werda escribiu:
Estou absoluta e indiscutiblemente a favor da adaptación ó fuso horario que naturalmente nos corresponde. Non só beneficiará á nosa saúde, ó noso ánimo, senón tamén ó noso bolsillo. Xa só por iso merece a pena. Galicia ten que gastar maís en calefacción por exemplo ó longo do ano, que Andalucia, Valencia ou Murcia. E ninguén fai nada por compensar este gasto a maiores respecto a estas comunidades. Asi que sería loxico e razoable adaptarse ó horario de Canarias e Portugal. Ogalla se faga axiña.