A consecución da Denominación de Orixe Protexida para o noso mexillón está a ser unha das prioridades da Consellería de Pesca, en clara resposta ó compromiso que os socialistas acadamos co sector dende fai tempo.
A desidia e o abandono do sector mexilloeiro por parte do Partido Popular, que gobernou Galicia os últimos dezaseis anos, fixo que aínda non contaramos coa DOP para o mexillón galego.
As xestións que está a facer o goberno da Xunta diante das autoridades europeas avanzan na boa dirección e penso que hoxe estamos máis preto de acadar ese obxectivo.
