O ano 2009 será o ano da Autovía do Barbanza. Despois de moitos anos agardando que se rematara co “corredor da morte” no que se convirteu a vía rápida do Barbanza, o Presidente Touriño anunciou esta semana unha noticia longamente esperada polos cidadáns da bisbarra do Barbanza.
En Xaneiro do 2009 poderemos dispoñer desta ansiada infraestructura que suporá un salto cualitativo nas posibilidades económicas e sociais das poboacións de Arousa Norte e Sar, pero tamén un salto importante na mellora da seguridade vial.
Non fará falta recordar que a mal chamada “vía rápida” tiña o récord de ser a única estrada de altas prestacións que contaba con varios paneis recordando o número de persoas fallecidas nesta estrada que unía Padrón con Ribeira.
En Xuño do 2005 durante un acto de campaña electoral en Ribeira tiven a sorte de compartir con Emilio Pérez Touriño o compromiso dos socialistas coa comarca do Barbanza. Daquela dixemos que cando chegaramos á Xunta de Galicia a nosa comarca tería en catro anos a autovía que viñamos reivindicando dende facía moito tempo.
Tanto no ano 1997, no 1999, no 2001 e no 2003 , os dirixentes do Partido Popular na Xunta de Galicia prometeron, prometeron e prometeron unha autovía para o Barbanza. A realidade é moi tozuda, co PP na Xunta o Barbanza tivo promesas, feitos ningún, 0 metros de autovía.
Hoxe, podemos decir que os socialistas cumplimos unha vez máis coa palabra dada, e nunha soa lexislatura (2005-2009) na Xunta de Galicia o Barbanza contará coa ansiada autovía.
Millan Fernandez escribiu:
Parabéns porque o que había antes era un goteo incesante de mortes, coma sempre, innecesarias e evitables. Esperemos que iso remate e ademáis permita un maior crecemento socioeconómico na comarca.
Hai que seguir pelexando porque outras zonas do país poidan verse nesa situación. É apremiante (tirando para a terra luguesa) a autovía Lugo-Santiago. A estrada de Teixeiro é outro auténtico perigo. Da pavor circular por alí.
Saúdos compañeiro e a seguir así!!!
fran escribiu:
Me inicio en esto del mundo bloguero un poco mas en serio. A ver si este blog lo mantengo jejeje
http://www.frandiazgallego.blogspot.com/
Fran escribiu:
Sen dúbida ningunha, o compromiso de María Xosé Caride Estévez, compañeira socialista e conselleira de Política Territorial, coa Galicia do territorio, da integración xeográfica e do benestar socioeconómico é dos máis valorados neste goberno. A cidadanía percibe por fin con feitos, e xa non máis con palabras baleiras e promesas falsas, que hai unha conselleira que cumpre e un goberno que responde.
Alégrome moito, ademais, pola comarca do Barbanza, que tan duramente padeceu un goberno do PP máis preocupado polo beneficio electoral ca polo río negro de mortes que o seu desgoberno deixou ao seu paso.
As melloras son visibles, e no 2009, cando por fin se inaugure, a “Autovía do Barbanza” (xa non máis “vía rápida”!!!) será a arteria principal pola que poderá fluír un novo dinamismo para toda a comarca. Felicitacións á comarca polo pronto cumprir dun soño tan merecido e tan pronto alcanzado.
eliberal escribiu:
Falar do Goberno de Touriño é falar dun Executivo que non está a cumprir coas prioridades en materia de infraestruturas no noso país. Esta lexislatura será a que menos quilómetros de autovía construíu e a que non foi quen de achegar a alta velocidade. Os miles de cartos despilfarrados nesta estrada amosan a falta de xestión dunha consellería que está a fallar no seu compromiso cos galegos. O Goberno do cambio demostrou ser máis do mesmo, pero en retroceso